لاہور (وطن نیوز) — لاہور میں سموگ کی شدت میں نمایاں کمی آئی ہے۔ پیر کو 535 تک پہنچنے والا ایئر کوالٹی انڈیکس (اے کیو آئی) بدھ کے روز 180 ریکارڈ کیا گیا جو اگرچہ اب بھی صحت کے لیے مضر ہے تاہم خطرناک حد سے کافی نیچے ہے۔
رائٹرز کے مطابق منگل کو لاہور کا اے کیو آئی 447 تک پہنچا تھا جس پر شہر ایک بار پھر دنیا کے آلودہ ترین شہروں میں سرفہرست رہا، تاہم بدھ کو فضا میں بہتری دیکھی گئی۔
دوسری جانب محکمہ تحفظ ماحول و موسمیاتی تبدیلی کی ایک رپورٹ کے مطابق لاہور میں چھ بڑے فضائی آلودگی کے عوامل میں 15 فیصد مجموعی بہتری ریکارڈ کی گئی جبکہ اکتوبر 2026 میں شہر کا بلند ترین اے کیو آئی گزشتہ سال کے مقابلے میں 28 فیصد کم رہا۔ اکتوبر 2026 میں خطرناک حد (300 سے زائد) کا کوئی دن ریکارڈ نہیں ہوا جبکہ اکتوبر 2025 میں ایسے چار دن تھے۔
ایکسپریس ٹریبیون کے مطابق حکومت کا منصوبہ ہے کہ 15 نومبر سے 15 دسمبر تک پنجاب بھر میں اینٹوں کے بھٹے بند کیے جائیں تاکہ سموگ پر قابو پایا جا سکے۔
رپورٹ: رضوان چوہدری
