وطن نیوز انٹر نیشنل

یاسر حسین نے عائزہ خان کو حلیمہ سلطان سے بڑی اداکارہ قرار دے دیا

اکستانی اداکار یاسر حسین نے عائزہ خان کو حلیمہ سلطان سے بڑی اداکارہ قرار دے دیا۔

نجی ٹی وی شو میں میزبان نعمان اعجاز کے ساتھ گفتگو کرتے ہوئے یاسر حسین نے کہا کہ میں نے ترک اداکاروں کے خلاف کوئی متنازع بات کی اور نہ ہی کوئی بیان دیا مگر ہمارے یہاں کسی چیز کو بڑھا چڑھا کر منفی انداز میں پیش کیا جاتا ہے۔

انہوں نے کہا کہ ترک انڈسٹری زیادہ بڑی نہیں کیونکہ اب اُن کے اداکارہ ہماری مصنوعات کے اشتہارات میں کام کررہے ہیں۔
مزید پڑھیں : عائزہ خان کا نیا انداز سوشل میڈیا پر وائرل

یاسر حسین نے ترک اداکارہ اسریٰ بلجک کا نام لیے بغیر کہا کہ جب ہمارے 60 لاکھ فالوورز تھے تو اُن کے 10 لاکھ فالوورز بھی نہیں تھے پھر ہمارے ہی لوگوں نے انہیں سوشل میڈیا پر فالو کرنا شروع کیا۔

انہوں نے مزید کہا کہ عائزہ خان کے اُن سے دس گنا زیادہ فالوورز ہیں تو اس بنیاد پر بھی فیصلہ کیا جاسکتا ہے۔

یہ بھی پڑھیں: ارطغرل غازی کی اسریٰ بلجک اردو سیکھ رہی ہیں

اگرفالوورز کی بات کی جائے تو عائزہ خان کو انسٹاگرام پر 1 کروڑ 70 لاکھ جبکہ ترک اداکارہ کو انسٹاگرام پر 64 لاکھ صارفین فالو کررہے ہیں۔

اپنا تبصرہ بھیجیں

0