سکیورٹی فورسز کا آواران کے علاقے گوارگو میں خفیہ آپریشن کرکے دہشتگردوں کی کمین گاہ کو نشانہ بنایا۔ فائرنگ کے تبادلے میں امن کے 10 دشمن مارے گئے، ان کے ٹھکانے سے بھاری اسلحہ اور بارودی مواد برآمد کر لیا گیا۔
پاک فوج کے شعنہ تعلقات عامہ (آئی ایس پی آر) کے مطابق سیکیورٹی فورسز نے دہشت گردوں کی موجودگی کی اطلاع پر خفیہ آپریشن کیا۔ ہلاک ہونے والے دہشتگرد سیکیورٹی فورسز پر فائرنگ میں ملوث تھے۔
خیال رہے کہ گزشتہ دنوں 20 دسمبر کو بلوچستا کے علاقے آواران میں دہشتگردوں کی فائرنگ سے لانس نائیک اقبال شہید ہو گئے تھے۔
یہ بھی پڑھیں: آواران میں فورسز کی دہشتگردوں کیساتھ جھڑپ، پاک فوج کا جوان شہید
خیال رہے کہ گزشتہ دنوں بھی سیکیورٹی فورسز نے بلوچستان کے علاقے آواران میں خفیہ معلومات پر آپریشن کیا تھا۔ فورسز نے جٹ بازار میں دہشتگردوں اور ان کے سہولت کاروں کے خلاف کارروائی کی۔
آپریشن کے دوران دہشت گردوں کے ساتھ شدید فائرنگ کا تبادلہ ہوا جس میں لانس نائیک محمد اقبال شدید زخمی ہو گئے تھے۔ انھیں فوری طبی امداد کے کراچی منتقل کیا گیا تاہم زیادہ خون بہہ جانے سے وہ شہادت کے رتبے پر فائز ہو گئے۔
