محمد وسیم اب تک گیارہ پروفیشنل باکسنگ فائٹ میں دس میں کامیابی پاچکے ہیں، وہ ان دنوں گلاسگو میں اپنے ٹرینر کے ساتھ اگلی فائٹ کی تیاریوں میں مصروف ہیں۔ محمد وسیم کا کہناہے کہ ان کی یہ خواہش اور کوشش ہےکہ یہ فائٹ پاکستان میں ہو۔ اس سلسلے میں حریف باکسراور پروموٹرز کے ساتھ بات چیت جاری ہے۔ جس طرح دوسرے ایونٹ اب پاکستان میں ہورہے ہیں، اسی طرح انٹرنیشنل باکسنگ مقابلے بھی پاکستان میں ہوں۔
